86 წლის ასაკში საქართველოს სახალხო არტისტი ჯემალ ჭკუასელი გარდაიცვალა. ინფორმაციას სახალხო არტისტის გარდაცვალების შესახებ კულტურის, სპორტისა და ახალგაზრდობის სამინისტრო ავრცელებს და უსამძიმრებს ოჯახს, კოლეგებსა და სრულიად საქართველოს.
სამძიმრის წერილს საქართველოს პრემიერ-მინისტრი, ირაკლი ღარიბაშვილიც ავრცელებს და აცხადებს, რომ ჯემალ ჭკუასელის ხელმძღვანელობით, ანსამბლმა „ერისიონმა“ მსოფლიოს გააცნო უნიკალური ქართული კულტურა და აღიარება მოუტანა საქართველოს.